Indo “tras as pegadas de San Pedro de Mezonzo”, foron os vosos pasos os que alegraron estas terras, que con ilusión acollían a vosa visita.
Un día profundamente espiritual, gozoso e fraterno, no que as irmás do Mosteiro de San Paio de Antealtares visitaron Raíña, tamén a futura casa de acollida en Curtis, a Escola ecolóxica de Vilasantar co equipo da Asociación Raíña e o grupo de “maiores” que cada xoves acollemos aquí.
Despois de cantar a Salve en Santa María de Mezonzo, a visita guiada ao Mosteiro de Santa María de Sobrado e rezar vésperas coa comunidade, só nos quedaba dar grazas á Raíña do Ceo por tan marabilloso e bendicido día.
A.M.G.D 2 de 5
